Во Велес доделени признанијата на најдобрите крводарители

Општинската организација на Црвен крст Велес по повод претстојниот празник 17 март  – Ден на крводаритеството и Ден на Црвениот крст, попладнево ги додели традиционалните признанија на најдобрите крводарители  за 50, 75 и сто пати доброволно дарувана крв. Признание за јубелејно 100.то дарување прими Симон Костанчев, а му го врачи др. Милчо Трајков претседател на ООЦК Велес и претседател на Црвениот крст на Македонија.

Признанија за 75 крводарувања им се доделија на Амди Махмудовски, Стојанче Иванов и Димче Наумов,

Признанија за 50 дарувања добија :   Трајче Димовски,  Тони Ангелов, Сузана Давчевска,    Павле Тасковски, Нада Сарагинова, Љупчо Костадиновски,   Јонуз Демиров   и Сашко Андреев.

За  најуспешна организација според работното место  е прогласен  Гарнизон на АРМ во Велес. За најуспешна основна организација според место на живеење – населба Чашка. Најдобра образовна интитуција  – Општинско основно училиште „Свети Кирил и Методиј“ од Велес   и    Најдобар мотиватор за крводарителство – Теодора Југова.

Во салата на Народниот театар „Јордан Хаџи Константов-Џинот“  утре во Велес ќе се одржи традиционалната Републичка манифестација по повод Денот на крводарителството и Ден на Црвениот крст 17 март.Покровител на манифестацијата е министерот за здравство Венко Филипче.