Во тек пријавувањето за вакцинација против сезонски грип

Граѓаните кои припаѓаат на критичните категорио од здравствен аспект, можат да се пријават за бесплатна вакцинација против сезонски грип, преку апликацијата vakcinacija.mk. Министерството за здравство за годинава обезбеди 80 000 вакцини.

-Овие вакцини се наменети за различни катергории на население и тоа за лица постари од 65 години, лица со хронични заболувања, бремени жени, лица од 6 месеци до 5 години и сите здравствени работници, изјави Бранко Георгиев, директор на Центар за јавно здравје - Штип.

-Бесплaтните вакцини се дефинираат согласно интересот на граѓаните, па така и Министерството за здравство ги распределува согласно интересот, по пунктови, изјави Светлана Живкова, епидемиолог.

Вакцинирањето треба да започне во втората половина месец октомри во здравствените домови во општините. Од Центарот за јавно здравје посочуваат дека вакцините се ефикасни и безбедни за граѓаните.

-Станува збор за четиривалентна вакцина од производител од Холандија. Вакцината е безбедна и е ефикасна мерка за заштита и превенција од потешки форми на грип, од комликации и смртни исходи кај ризични групи - додаде Живкова.

Освен бесплатните вакцини кои се обезбедени од Министерството за здравство, ќе има и комерцијални вакцини, чија цена ќе биде дополнително дефинирана, а може да се вакцинираат сите заинтересирани граѓани.