Во среда ќе се знае дали Грујевски и Бошковски ќе бидат екстрадирани
Одлуката за екстрадиција на поранешните началници во Управата за безбедност и контраразузнавање (УБК) Горан Грујевски и Никола Бошковски, Судот во Солун ќе ја соопшти идната среда.
Покрај комплетната документација испорачана од Македонија, Судот вчера го ислушал и исказот на нивниот адвокат Петар Василев, кој тврди дека делата за кои се обвиниети двајцата поранешни разузнавачи се спротивни на многу закони во Македонија и Грција. Според него, судот треба да ја одбие екстрадиција бидејќи стравува дека во македонија ќе немаат фер судење и оти нивните животи ќе бидат под закана.
Судот треба да ја донесе одлуката, откако на рочиштето ќе ја сослуша и сопругата на Грујевски, која е предложена како сведок во негова одбрана.
Рочишето вчера беше затворено за јавност, по барање на еден од нивните адвокати.
Грујевски и Бошковски се во притвор во затвор во близина на Солун. На двајцата во Солунскиот суд им се суди и за фалсификуваните пасоши со кои беа фатени на 18 октомври годинава на аеродромот во Солун, кога се обидоа да заминат за Будимпешта.
Последното рочиште за лажните пасоши на 1 декември не се одржа бидејќи не беше присутен еден од останатите обвинети, кој исто така бил заедно со Грујевски и Бошкоски. Ова судење е одложено за 17 мај 2018 година.
Судењето за лажните пасоши е одвоено од постапката за нивна екстрадиција.
Инаку, двајцата во меѓувреме поднеле и барање за политички азил во Грција.
Грујевски и Бошковски, кои се обвинети од СЈО за предметот „Тврдина и Таргет“, беа уапсени од грчката полиција на аеродромот во Солун на 18 октомври, при обид со лажни бугарски пасоши да заминат со авион за Будимпешта.
Ново на Сител
-
Се запали казино во Охрид | ВИДЕО
-
Мицкоски: Скандалозно е вицепремиер да бара од компании да гласаат за СДСМ бидејќи добиле државна помош
-
Кошаркарот од Ѓорче кој ветува промени | Владо Мисајловски | Неформално | Sitel Podcast 033
-
Се дистрибуира доверливиот избирачки материјал од битолската печатница до општинските изборни комисии
-
Ограбена спортска обложувалница на Бит Пазар
-
Повеќе од 30 украински медиумски работници се наоѓаат во руско заробеништво
-
Приведени две лица во Куманово - еден за употреба, друг за продавање дрога
-
Сопружници завршиле во притвор поради меѓусебна пресметка