Во Словачка тестирани 1,3 милиони луѓе, 0,77 отсто позитивни
Вкупно 1.303.949 лица беа тестирани за коронавирусот за време на скрининг тестот низ Словачка во саботата, при што 9.979 или 0,77 проценти се позитивни на тестот, изјави словачкиот премиер Игор Матовиќ.
Министерот за внатрешни работи Роман Микулец рече дека во саботата се отворени 3.791 место за тестирање. Тој забележал дека ситуацијата е мирна и дека има интерес за тестирање, пренесува словачката агенција Таср.
– Се радувам што луѓето се придружија и што се свесни за значењето на овој проект за сите нас. Засега, тоа е солиден резултат, рече Матовиќ. Што се однесува до бројките, тој рече дека секоја бројка од 1,5 до три милиони тестирани е „добра бројка“.
– Драго ми е што општеството се обедини во борбата против пандемијата, рече министерот за здравство Марек Крајчи. Според него, целта на скрининг тестот била да се идентификуваат епицентрите и да се одделат подобрите региони од полошите. Крајчи рече дека истражувањето ќе продолжи во регионите со најлоши резултати за една недела. Тој истакна дека стапката на позитивност за сите денови на „скринингот“ може да биде поголема од 1 процент.
– Иако стапката на позитивност во саботата беше 0,77 проценти, бројката беше поголема во претходните денови, додаде тој.
Ново на Сител
-
Мисајловски: Ќе ги скратиме непродуктивните трошоци, за пензионерите ќе има 5.000 денари покачување на пензиите
-
Во Украина 50.150 лица се водат како исчезнати
-
ОН: На Хаити е катаклизмична ситуацијата
-
Бела куќа: САД испратија писмено предупредување на Русија за нападот во Москва, бесмислица е тврдењето за вмешаност на Украина
-
МЗШВ: Со измените во Законот за стокови резерви, оризовата арпа се вбројува во листата на стратешки култури за државата
-
ВМРО-ДПМНЕ ги потврди листите за пратеници
-
Зеленски: Русија планира голема офанзива во наредните месеци
-
18-годишен тетовец украл автомобил, па направил сообраќајка