Во штипската населба „Шардаван Баши“ се реконструира водоводна и канализациона мрежа
Почна реконструкцијата на водоводната и канализационата мрежа во штипската населба „Шардаван Баши“, каде што денеска градоначалникот на Општина Штип, Благој Бочварски изврши увид во градежните работи.
Во населбата се реконструираат 120 метри водоводна и 120 метри канализациона мрежа.
- Денеска се наоѓаме во населбата „Шардаван Баши“ каде што ЈП „Исар“ моментално работи на поставување нова канализациона линија и нова водоводна линија за дваесетина семејства коишто имаа огромен проблем и со водоснабдувањето и со канализацијата. Ова место го посетивме уште во предизборната кампања кога заклучивме дека навистина тука условите за живот на граѓаните се многу тешки, вели Бочварски.
Инвестиционата вредност на проектот е 276.000 денари, а средства се обезбедени од буџетот на Општина Штип и од ЈП „Исар“.
По завршувањето на водоводната и канализационата мрежа, екипите на Јавното претпријатие „Стипион“ ќе продолжат со бетонирање на 120 метри улица што ќе чини 520.000 денари.
Ново на Сител
-
Сиљановска Давкова: Разговорот со Радев беше пријателски и со почит, ни за миг не ги заборавив македонските национални интереси
-
Дел од општина Центар утре без вода
-
САД со санкции против конзорциумот Intellexa кој продавал шпионска технологија на авторитарните режими
-
Бугарскиот амбасадор ја одбил протестната нота, усно изразена загриженост поради отстапувањето од договорениот протокол и побарано дополнително објаснување
-
Бајден: На американската тајна служба и треба повеќе помош и работна сила
-
Градоначалникот на Белград повторно зборува за селење на гробот на Тито од Куќата на цвеќето
-
Осомничениот за обидот за убиство на Трамп пред федералниот суд на Флорида
-
Тепачка помеѓу две сестри во Скопје