Во Мексико на две лица им е дозволена употреба на кокаин во рекреативни цели
Судот соопшти дека на лицата ќе им биде дозволено да поседуваат, транспортираат и земаат кокаин, но не и да го препродаваат, тврди организацијата „Мексико обединето против криминалот“ (МУЦД), а пренесува Би-би-си.
МУЦД се бори да ја прекине војната против дрогата, која во Мексико трае со децении, а одлуката на судот ја нарече историски чекор.
Одлуката сега треба да ја разгледа и повисок суд пред таа да може да се спроведе.
Во изјавата на МУЦД се наведува дека судот во Мексико Сити ѝ наложил на „Кофеприс“, водечката здравствена организација во државата, на двете наведени лица да им одобри рекреативна употреба на кокаин.
Официјален претставник на „Кофеприс“ рече дека компанијата се обидела да ја блокира одлуката на судот со образложение дека овластувањето за употреба на кокаин е надвор од нејзините ингеренции.
Одлуката ќе биде извршна само во случај на потврда од повисок суд, а право за нејзино спореведување ќе имаат само двете лица што поднеле барање за тоа.
Во својата изјава МУЦД тврди дека ова претставува важен чекор во креирањето алтернативна политика кога станува збор за употребата на дрога, што ќе му овозможи на Мексико поголема безбедност и ќе му помогне на јавниот здравствен систем.
Ново на Сител
-
Си пред посетата на Србија го критикуваше НАТО за бомбардирањето на Белград во 1999 година
-
ЕУ одобри шест милијарди евра за Балканот, Рама: Историски момент, кој внесува нов импулс во процесот на проширување
-
Девизните резерви во април зголемени за 41,9 милиони евра
-
Анонимна пријава за случаи со поткуп од политичка партија во Кичево
-
Во Делчево денеска гласаат 222 болни и изнемоштени лица за претседателските и парламентарните избори
-
Советот на ЕУ го усвои првиот закон за борба против насилство врз жените
-
И во Шпанија студентите подготвуваат протести против Израел
-
Претреси во Охрид поради фотографирање избирачки список и гласачки ливчиња