Во Јапонија извршени две смртни пресуди

Во Јапонија денеска се извршени две смртни пресуди со бесење, соопшти Владата во Токио.

Седумдесет и пет годишен маж е егзекутиран поради убиство на пет лица, меѓу кои и девет годишно девојче, во периодот 1985-1994 година. Извршена е смртна казна и на 56-годишна поранешна медицинска сестра, која порачала убиство на две лица кон крајот на 90-тите години од минатиот век, за да добие осигурување.

Егзекуциите се извршени во момент кога се вршат постојани повици кон Јапонија од страна на организациите за заштита на човековите права за укинување на смртната казна. 

Истражувањата на јавното мислење, пак, покажуваат дека поголем број од Јапонците ја поддржуваат смртната казна.