Во јануари повеќе туристи и ноќевања

Во јануари годинава во Македонија се евидентирани 38.162 туристи и 78.667 ноќевања, соопшти Државниот завод за статистика.

Бројот на туристите во однос на јануари 2015 година, е зголемен за 16,3 отсто, а на ноќевањата за 20.2 отсто. Кај домашните туристи зголемувањето е 14,8%, а кај странските 17,5 проценти.  

Во јануари се регистрирани повеќе ноќевања кај домашните туристи за 27,7, а кај станските за 13,6 отсто. 

Бројот на туристите во јануари 2016 година, во однос на претходниот месец, е намален за 5,4 процент, и тоа кај домашните за 0,7, а кај странските за 8,6 отсто. 

Вкупниот број на ноќевања, пак, е зголемен за 1,6 отсто. Кај домашните туристи има зголемување за 9,6, а кај странските намалување за 5,1 отсто.