Во Хрватска опаѓа бројот на новозаразени, но 80 починати во еден ден

Во последните 24 часа евидентирани се 766 нови случаи на инфекција со вирусот САРС-КоВ-2, а бројот на активни случаи во Хрватска денес е вкупно 16.105.

Меѓу нив, 2.956 пациенти се во болница, од кои 294 пациенти се на апарати за дишење. Починаа 80 луѓе.

Од 25 февруари 2020 година, кога е регистриран првиот случај на инфекција во Хрватска, досега се евидентирани вкупно 195.728 лица заразени од новиот коронавирус, од кои 3.257 починале, вкупно 176.366 закрепнале, од кои 3.208 во последните 24 часа.

Во моментот има 50.799 лица во самоизолација.

До денес се тестирани вкупно 955.225 лица, од кои 4.614 во последните 24 часа.