Во Горно Крчишта одбележан патронот на црквата „Свети Спас“
Во Горно Крчишта, општина Маќелари, околија Пешкопеја, вчера беше одбележан патронот на црквата Св.Спас, што традиционално се прави во неделата по празникот, откако поголемиот број од жителите се иселиле од селото.
-Ова беше 12-та традиционална средба на која присуствуваа Македонци, кои сеуште живеат во ова село, а кои ги има се помалку по број, како и оние кои влечат корени од ова село, а сега живеат во други делови на Албанија, како и во Македонија, меѓу нив и семејства од Дебар, кој е на оддалеченост од десеттина километри, пренесува електронското издание на весникот „Илинден“.
Како и изминатите години богослужба одржа свештеникот Ристо Кумбароски од Кичево, кој потекнува од ова село.
Во селото Крчишта има пет цркви и за сите нив се грижат самите Македонци. Црквата Свети Спас датира од 1232 година и од страна на албанските власти е прогласена за споменик на културата. Беше преосветена во јуни 2009 година откако со помош на Македонците од Крчишта, посебно на Левко Радевски, кој од Крчишта беше доселен во Дебар, беше поправен кровот и обновена оградата.
Ново на Сител
-
Fast Food 7 - принцип за постојан квалитет | Билјана З. Попова | Бизнис приказни | Sitel Podcast 030
-
Пронајдена неексплодирана експлозивна направа во Битола
-
Разбојникот кој ограби казино со автоматско пушка е полицаец
-
Демири: Ако Клиниката за токсикологија не била осигурена, менаџментот треба да преземе одговорност
-
До 30 април на полноќ пријавување на болните и изнемоштените за гласање на изборите на 8 мај
-
Гевгеличанка лажела дека е царински застапник и измамила Грк за 2.000 евра
-
Тошковски: Поддршка до специјалните единици бидејќи тие се првиот столб на заштитата на безбедноста и суверенитетот на државата
-
Пет клучни донатори вложија повеќе од 50 милиони долари во претседателската кампања на Трамп