Во Франција поради измени на Законот за работа блокирани складишта за гориво
Членови на францускиот трговски синдикат ги блокираа влезовите на складиштата со гориво, протестирајќи против реформата на Законот за работа, што формално ја потпиша претседателот на Франција Емануел Макрон.
Во јужниот дел на Франција демонстрантите поставија барикади пред рафинеријата на компанијата „Тотал“, додека на западниот дел се блокирани влезовите на складиштата за гориво во Бордо и во Рошел.
- Одлучни сме. Ќе останеме колку што е можно повеќе, со надеж дека барикади ќе има на повеќе места и дека тоа ќе го натера господинот Макрон да се откаже, изјави претставник на синдикатот.
Со цел да се избегне недостиг на гориво, Владата распореди полиција на неколку места за да ги спречи демонстрантите да ги блокираат приодите кон складиштата.
Макрон во петокот формално потпиша пет декрети за измена за Законот за работа, што е прва официјална економска реформа откако стапи на функцијата во мај годинава.
Новите правила, за кои беше разговарано со синдикатите, ќе ја ограничат исплатата на отпремнината при отпуштање на вработените, што многумина го сметаат за неправедно.
Истовремено на компаниите ќе им биде дадена поголема слобода при вработувањето и отпуштањето работници и договарањето на условите за работа.
Ново на Сител
-
Организациската директорка на Токсикологија тврди дека клиниката има потреба од 18-те спорни вработувања
-
Пуштен во употреба нов патен правец меѓу Албанија и Косово
-
Палевски спроведен пред судија на претходна постапка
-
Клисаровска: Дневната болница не е затворена, точно е дека пациенти на Онкологија чекаат со часови бидејќи немаме доволно персонал
-
Албанија ќе почне со производство на оружје и муниција
-
Албанската полиција почна контрола на целата територија и државната граница со беспилотни летала
-
Едно лице загина, повеќе се повредени на лет од Лондон кон Сингапур по големи турбуленции
-
Михаил Гацов освојува злато за Италија и сонува да се бори за Македонија