Во акцијата „Децата на Русија - за децата на Сирија“ доставени 45 тони новогодишни подароци

Руски ученици им испратија на своите врсници од Сирија 45 тони подароци за Нова Година, соопшти руското Министерство за одбрана.

- Ученици од Курската и Вологодската област собраа за своите сириски врсници, во рамки на акцијата „Децата од Русија - за децата на Сирија“, над илјада пакети со подароци, во кои освен традиционални изработки, картички и канцелариски предмети, имаше и сувенири, карактеристични за соодветните региони, истакна Министерството.

Во кампањата се вклучија ученици од Москва и други делови на Русија. Иницијатори на акцијата беа членови на движењето „Јунармија“ од Тулската област.

Подароците се пренесени на аеродромот „Чкаловскиј“, од каде беа транспортирани со воен авион до руската база „Хмејмим“ во Сирија.