ВМРО-ДПМНЕ: СДСМ ќе ја зголеми цената на струјата

ВМРО-ДПМНЕ во реакција на денешната изјава на премиерот Зоран Заев посочи дека СДСМ наредната година ќе ја зголеми цената на струјата.

- Со либерализација на пазарот на електрична енергија која планира да ја воведе Владата на СДС, сметките на граѓаните за електрична енергија ќе се зголемат за најмалку 20 отсто. Тоа е многу повеќе од спектакуларно најавеното воведување двочасовна ефтина тарифа, која повторно ќе ја платат граѓаните, но на друг начин, се наведува во соопштението од ВМРО-ДПМНЕ.

Според ВМРО-ДПМНЕ, воведувањето двочасовна дневна ефтина тарифа е популистички потег за да се изманипулираат граѓаните и да добијат повеќе гласови на локалните избори.

- Граѓаните треба да се свесни дека многу брзо по локалните избори ги очекуваат повисоки сметки за електрична енергија, посочуваат од ВМРО-ДПМНЕ.