ВМРО-ДПМНЕ: Нови парламентарни избори за излез од кризата

Нови парламентарни избори се единствен излез од ситуацијата во која СДСМ ја доведе државата, бидејќи само така граѓаните јасно ќе можат да се изјаснат околу тиранската платформа и нема да се чувствуваат измамено, порачува ВМРО-ДПМНЕ во пишано соопштение до медиумите.

- Народот не дозволува ниту формирање тиранска влада, ниту реализирање тиранска платформа и не го интересираат фактурите на Заев. Затоа СДС е во паника и е цврсто решен својата фактура да ја плати со распродажба на највисоките национални и државни интереси, се вели во соопштението од ВМРО-ДПМНЕ.

Се нагласува дека СДСМ е однародена партија и затоа стотици илјади граѓани секојдневно им порачуваат дека е почесно да ги одлежат затворските казни што ги чекаат за криминалот отколку да извршат предавство.

- Ветувањата и обврските на СДС кон нарко-мафијашките структури кои им помагаа на избори се нивен проблем, а не проблем на народот. Сервилниот однос кон сите што го негираат македонскиот идентитет и предавничкото молчење и прифаќање на тиранската платформа е проблем на криминалецот Заев и злосторничкото здружение околу него, а не на народот. СДС е на спротивна страна од народот и гледа непријатели во сите кои си ја сакаат татковината, се посочува во соопштението од ВМРО-ДПМНЕ и се потенцира дека цената на фактурата СДСМ може да си ја плати со криминално стекнатиот имот на нивното раководство.