Владата преку видео-конференциска комуникација ќе ја одржи 16-тата редовна седница
Владата на Република Македонија, денеска, преку видео-конференциска интернет комуникација со почеток во 12:30 часот ќе ја одржи редовната 16-та седница со повеќе точки на дневен ред од својата Програма за работа и од интерес на граѓаните.
Како што е најавено, на предлог на Комисијата за проценка и утврдување на висината на штети од елементарни непогоди, членовите на Владата на дневен ред за разгледување го имаат Извештајот за настанатите штети од елементарни непогоди кои ги зафатија општините Валандово, Велес, Кочани, Пробиштип и Свети Николе.
На оваа седница Владата ќе ја разгледа Програмата за работа на Институтот за стандардизација на Република Македонија.
Од владината прес-служба соопштија дека на денешната седница, на предлог на Министерството за транспорт и врски, Владата ќе ја разгледа и Информацијата за потребата од обезбедување дополнителни средства за Проектот за поврзување на локални патишта финансиран од Светската банка.
За заклучоците и донесените одлуки на денешната 16-та Владина седница, стои во соопштението од владината прес-служба, јавноста ќе биде информирана преку соопштение.
Ново на Сител
-
Бајден разговараше со Нетанјаху и ја повтори загриженоста на Америка поради инвазијата врз Рафа
-
Три лица во Прилеп истепале 20-годишник
-
Скопјанец нападнат од маж и жена во автобус
-
Малолетник избоден во Куманово
-
Од среда до викендот нестабилно со пороен дожд и грмежи
-
Мицкоски и Таравари разговарале за принципите за идно коалицирање и заедничка соработка
-
Уапсени во Косово маж и жена, руски државјани, влегле од Србија без визи
-
Зеленски до Парламентот поднесе предлог-закон за продолжување на мобилизацијата