„Везилка“ и студентите на ФИНКИ веќе развиваат алатки базирани на вештачка интелигенција

Развојот на вештачката интелигенција на ФИНКИ веќе не е само идеја на хартија, туку процес што веќе дава резултати. Проектот Везилка влезе во фаза каде 20 проценти од работните обврски на студентите се директно предвидени за практична работа на нови АИ системи. Со поддршка од Министерство за дигитална трансформација и ЕУ, обезбедена е модерна инфраструктура од еден милион евра, со што директно ги испорачува првите сервиси, обуки и алатки за домашниот бизнис сектор.

„Студентите на ФИНКИ преку 'Везилка' имаат директен допир со реални искуства и работат на градење нови технологии кои го подобруваат целиот екосистем. Идните инженери мора да ги имаат фундаменталните знаења, но преку оваа инфраструктура вредна еден милион евра тие практично ги надградуваат компетенциите и веќе развиваат производи базирани на вештачка интелигенција.“, изјави Проф. Ристе Стојанов – ФИНКИ 

Проектот веќе ги дава и првите меѓународни научни резултати како директен плод на Везилка, ФИНКИ обезбеди уште два нови европски проекти од областа на вештачката интелигенција. Преку Еразмус програмите и воспоставената мрежа за мобилност, студентите добиваат можност за директна соработка со европските истражувачки центри. Но примарниот фокус останува дома, трансфер на знаењето кон македонските компании кои се подготвени да имплементираат АИ решенија.

На ФИНКИ сме во напредна фаза на истражувања и веќе развиваме технологии базирани на АИ. Нашите алумни се веќе етаблирани во светски реномирани гиганти, а преку „Везилка“ овозможуваме оваа нова работна сила тука да развива нови продукти, но и да нуди тренинзи и едукација за сите компании во државата на кои им е потребен таков развој.

Од корисници на готови дигитални алатки, студентите на ФИНКИ преминуваат во архитекти на новата технолошка реалност. Везилка ја постави основата. Вештачката интелигенција во Македонија повеќе не се чека од надвор, туку се програмира и истражува во домашните лаборатории.