Вест Хем го шокираше Арсенал, Ливерпул се искачи на првото место во Премиер лигата

Арсенал му ја препушти водечката позиција на Ливерпул, откако во 19.коло загуби на домашен терен од Вест Хем со 0:2. Арсенал е втор на табелата со 40 поени, два помалку од Ливерпул, додека Вест Хем скокна на шестото место со 33 бодови.

Вест Хем втор пат сезонава забележа победа во северен Лондон. Пред еден месец победија кај Тотенхем, а вечерва славеа изненадувачка победа кај Арсенал.

Моментот кој го обележа натпреварот се случи во 13.минута кога водечкиот гол го постигна Соучек. Дури ни ВАР не можеше да „види“, дали пред да центрира Боувен топката со целиот обем ја мина гол-аут линијата.

Судбината на Арсенал ја запечати Мавропанос во 55.минута.

Победата на Вест Хем можеше да биде поубедлива, меѓутоа Бхерама не реализираше пенал во 95.минута.

Со овој „кикс“ на „Топџиите“, Моменталното прво место во Премиер лигата го држи Ливерпул.