Велика Британија, Грција и Турција ги завршија преговорите за безбедноста на Кипар
Техничките тимови на Велика Британија, Грција и Турција разгледаа прашања поврзани со безбедноста во рамки на преговорите за обединување на Кипар, кои се водат под покровителство на Обединетите нации.
- Работната група успешно го реализираше мандатот што и беше доверен. Идентификуваше конкретни прашања, поврзани со прашањата за безбедноста и гаранциите, како и неопходните инструменти за нивно решавање, се наведува во изјавата на Еспен Барт Еиде, специјален претставник на генералниот секретар на ОН за Кипар.
- Страните се договорија да не откриваат детали од дискусиите, бидејќи процесот се уште не е завршен, нагласи Еиде.
Не е познато кога преговарачките страни повторно ќе се сретнат. Еиде в понеделник треба да го информира Советот за безбедност на ОН за заклучоците од состанокот.
Официјални претставници на Велика Британија, Грција и Турција, како и претставници на кипарските Грци и кипарските Турци, разговараа околу решавањето на несогласувањата во врска со безбедноста на двете заедници на Кипар, доколку биде постигнато обединување на островот.
Средбата на работната група почна вчера, по неуспешната средба на министрите за надворешни работи Велика Британија, Грција и Турција минатата недела во Женева.
Ново на Сител
-
Најчестите знаци на прекумерно внесување шеќер
-
Избрани останатите 10 финалисти на Евровизија
-
Реал и Борусија ќе добијат по 25.000 влезници за финалето на Вембли
-
Албанија и Србија со кандидатура за заеднички домаќин на Европското првенство за млади во 2027
-
Ѓорческа ја елиминира првата носителка на фјучерсот во Трнава
-
Маж нападна жена во Париз и застрела двајца полицајци откако е приведен во полициска станица
-
Макрон и честита на Сиљановска Давкова: Се отвора нова страница кај нашите македонски пријатели
-
ЦУК: Паднато дрво на бул. „Александар Македонски“ во Автокоманда