Ватикан: Папата ноќеска добро се одморил

Папата Франциск, кој се лекува во болница од пневмонија, добро спиел цела ноќ, објави утринава Ватикан во редовниот утрински здравствен извештај за поглаварот на Римокатоличката црква.

Папата (88) од 14 февруари се лекува во римската болница „Гемели“ поради пневмонија и неколку дена е во критична состојба.

Ватикан вчера соопшти дека Папата се уште е во критична состојба, но дека неговата состојба „малку се подобрила“ и дека тој продолжил да работи од неговата болничка соба.

Илјадници верници синоќа се собраа на плоштадот Свети Петар за да се помолат за закрепнување на Папата.