„Вашингтон пост“: Кинески хакери дошле до аудио снимки од советник од кампањата на Трамп
Хакери поврзани со кинеската држава дошле до аудио снимки од телефонски разговори на американски политичари, вклучително и советник од штабот на републиканскиот претседателски кандидат Доналд Трамп, објави „Вашингтон пост“.
ФБИ и американската Агенција за кибер безбедност и безбедност на инфраструктурата во петокот соопштија дека истражуваат неовластен пристап до комерцијалната телекомуникациска инфраструктура од поединци поврзани со Кина.
„Вашингтон пост“ пишува дека хакерите успеале да добијат пристап до нешифрирани комуникации, како што се СМС пораките.
Кинеските хакери ги таргетираа и телефоните што ги користат луѓе поврзани со кампањата на демократската претседателска кандидатка Камала Харис.
„Верајзен“ (Verizon) во петокот соопшти дека има информации за високотехнолошки обид да ги таргетира американските телекомуникации за собирање разузнавачки информации. Компанијата додаде дека работи со органите на прогонот.
Американскиот Конгрес исто така истражува, а претходно овој месец американските законодавци побараа од три компании да одговорат на прашања за извештаите за кинески хакери кои пристапувале до мрежите на американските провајдери на широкопојасен интернет.
Минатата недела кинеската амбасада во Вашингтон соопшти дека не е запознаена со конкретната ситуација, но додаде дека Кина се противи и се бори против кибер нападите и кибер кражбите во сите форми.
Ново на Сител
-
Австриски градоначалник убиен во напад, голема полициска акција за пронаоѓање на осомничениот
-
Норвешка ќе купи американски противвоздушни ракети за 362 милиони долари
-
Дојави за поставени бомби во неколку сараевски средни училишта
-
Вучиќ: Се надевам на воспоставување брза пруга меѓу четирите земји Унгарија, Србија, Северна Македонија и Грција
-
Мицкоски за писмото од Ахмети: Не сум го видел - дневно добивам многу писма од граѓани
-
Тешко повреден малолетник во сообраќајка во Кочани
-
МЗ: Над 61.000 граѓани пријавени за вакцинацијата против сезонски грип, досега вакцинирани над 19.000
-
Борел: Орбан оди во Тбилиси, но тој не ја претставува ЕУ