Вардарки убедливо против Митјиланд до втората победа во ЛШ

Ракометарките на Вардар ја остварија втората победа во Лигата на шампионките совладувајќи го данскиот тим Митјиланд.

 

Во натпревар од 3.коло на Лигата на шампионките одигран попладнево во Јане Сандански, македонскиот првак ЖРК Вардар славеше победа со 33-24 над Митјиланд и се проби на 1.место во Ц групата.

 

Уште од самиот старт вардарки покажаа дека ќе одат на полн плен, па веќе во 18.миинута имаа 7 голови предност 12:5, за на полувремето да заминат со позитива од +8  (16:8)

 

Во вториот дел црвено-црните имаа и највисоки 10 гола предност (22:12), по што дојде до опуштање во играта, но стекнатата предност знаеја како да ја сочуваат и на крајот да остварат победа со конечни 33-24 .

 

Најефикасна во редовите на нашиот шампион беше Андреа Пенезиќ со 10 гола, додека Јованка Радичевиќ постигна 6 , а Андреа Лекиќ 5 голови . 

 

Во првиот меч од оваа група Ѓер очекувано славеше победа на гостувањето во Виена кај Хипо со 29-21. Па сега на табелата Вардар, Ѓер и Митјиланд имаат по 4 бодови, додека Хипо е без освоен бод.

 

Овие екипи меѓусебно ќе играат и во следното 4.коло кое на програмата е следната недела (8 ноември) и тоа во Данска и Унгарија.

 

ЖРК Вардар – Митјиланд 

Хипо – Ѓер 21-29

 

1. ЖРК Вардар 2 (+8) 

2. Митјиланд 4 (+17 гол)

3. Ѓер 4 (+8)

4. Хипо 0