Валенсија остана без тренер

Тренерот на фудбалерите на Валенсија, Нуњо Еспирито Санто, по поразот во Севилја (1:0) поднесе оставка на функцијата.

 

„Разговарав со претседателот и донесов одлука да ја напуштам Валенсија. Ми претставуваше голема чест што го предводев овој тим, но во моментов најважно е клубот да остане обединет“, ја пренесува Marca изјавата на Еспирито Санто.

 

Португалецот во кариерата бил тренер во Рио Аве, Малага и Панатинаикос, а му бил и помошник на Жезуалдо Фереира во Порто. Валенсија ја презеде во јуни 2014 година.

 

Валенсија по 13 натпревари во шпанското првенство се наоѓа на деветтото место со 19 бодови, во наредното коло тие ќе играат против лидерот на табелата Барселона.