Утре од воздух ќе продолжи гаснењето на пожарот на планината Огражден
Пожарот на планината Огражден, над селото Бадилен, на територијата на општина Ново Село, што избвувна пред седум денови, ќе продолжи да се гасне и утре, објави градоначалникот Ѓорѓе Божинов.
До крајот на денешниот ден, пожарот се гаснеше со помош на хеликоптерите „Камов“ од Србија и „Блек хоук“ од Турција, дел од меѓународната помош што ја доби државава за гаснење на пожарите.
- Зафатена е огромна површина борова шума и хеликоптерите од Србија и Турција ќе работат сѐ додека е видливо, а ќе продолжат со засилена акција рано наутро. Денес, цел ден на терен се и екипи на ТППЕ - Струмица, храбри луѓе кои спречија ширење на пожарот на местата каде не може да пристапи човечка нога, се наведува во објавата на градоначалникот на Ново Село.
Од ТППЕ - Струмица појаснуваат дека се работи за крајно недостапен терен, со екстремно високи температури, кои под влијание на големиот пожар имаат развиено специфична микроклима со температури над 50 степени Целзиусови и засилен ветер.
Вчера беше изгаснат крајниот северозападен крак од од пожарот, а денеска се продолжи со гаснење на југозападниот крак, веднаш до граничната линија со Бугарија.
Ново на Сител
-
Македонски државјанин загина во сообраќајна несреќа во Грција
-
ЦУК: Активни два пожара, три се под контрола
-
Без договор завршија вчерашните преговори во Каиро за прекин на војната во Газа
-
Сао Паоло прогласи вонредна состојба поради шумските пожари
-
Сообраќајот тековно, на граничните прмини нема подолги задржувања
-
Температури до 36 степени, попладне пороен дожд и грмежи
-
Двајца исчезнати и двајца повредени при уривање на ледената пештера на Исланд
-
Попладневната полчасовна дремка ги прави луѓето повнимателни