Успешно изведен првиот директен лет од Австралија до Европа
Авионот на авиокомпанијата „Квантас“, што полета вчера од западниот австралиски град Перт, денеска по повеќе од 17 часа слета на лондонскиот аеродром Хитроу, со што го изведе првиот директен лет од Австралија до Европа.
Авионот од типот „Боинг 787-8 Дримлајнер“ со 200 патници и 16 членови на екипажот, на летот од Перт до Лондон мина вкупно 14.498 километри.
„Боингот“ беше специјално прилагоден за овој лет со обезбедување дополнителен слободен простор и намалување на бројот на седиштата од 265 на 236.
На церемонијата во Перт пред вечрашното полетување на авионот, директорот на австралискиот авиопревозник Алан Џојс изјави дека „Квантас“ се подготвувал за ваков лет уште од неговото фомирање во 1921 година.
Првиот лет на „Квантас“ на релација од Австралија до Велика Бротанија бил реализиран во декември 1947 година. Авионот тогаш летал од Сиднеј до Лондон со седум попатни слетувања и летот траел вкупно четири дена.
„Квантас“ планира од 2022 година да воведе и директен лет од Сиднеј до Лондон.
Инаку, најдолгиот директен лет на редовна авиолинија во светот го изведува авикомпанијата „Ер Индија“. Станува збор за лет од Њу Делхи до Сан Франциско, чие растојание е 15.140 километри.
Ново на Сител
-
Возач и сопатничка повредени во сообраќајка на експресниот пат Штип-Радовиш
-
Мицотакис ја повикува Силјановска Давкова да избегне „слични незаконски и провокативни“ постапки
-
Стабилна состојба на работникот, кој се здоби со тешки повреди во лифт во штипски угостителски објект
-
Гостивар: Двајца возачи се судриле со три паркирани возила
-
Иран ќе гради ѕид на границата со Авганистан
-
Калињак: Словачкиот премиер Фицо е надвор од животна опасност
-
Две лица го загубија животот, а пет се водат за исчезнати во судар на крузер и чамец на Дунав кај Будимпешта
-
Државјанин на Северна Македонија со „богато“ криминално досие во Грција, уапсен за кражба во дом на Пелопонез