-->
-->
Успех или неуспех, Лев останува германски селектор
-->
Селекторот на фудбалската репрезентација на Германија, Јоаким Лев, ќе остане на функцијата сѐ до крајот на договорот, односно до јули 2018 година, објави Фудбалскиот сојуз на Германија (DFB).
Германските медиуми шпекулираа дека Лев можеби ќе си поднесе оставка по елиминацијата во полуфиналето на ЕУРО 2016, меѓутоа челниците на DFB му дадоа безрезервна поддршка.
„Останувам при тврдењето кое го изнесов уште пред ЕП, дека Лев е најдобриот тренер за оваа екипа. Тој ја има нашата целосна доверба. Од почит кон него му оставивме неколку денови да размисли“, рекол претседателот на DFB, Рејнард Гриндел.
Медиумите и навивачите најмногу го критикуваа Лев поради дефанзивната тактика во четвртфиналето против Италија, но и поради поразот во полуфиналето од Франција.
„Сите бевме разочарани поради поразот во полуфиналето, но репрезентацијата не разочара. Имавме најмлада репрезентација на турнирот, со најголем потенцијал. Сигурен сум дека во иднина овој тим ќе ни овозможи да се радуваме“, дополнил Гриндел.
Лев стана селектор на Германија по СП во 2006 година и во неговиот мандат на три европски и две светски првенства Германија секогаш играла најмалку во полуфиналето. Во 2014 година Германија со Лев на клупата ја освои титулата светски првак.
-->
-->
-->
Ново на Сител
-
Мајката на починатата студентка од Кавадарци во Штип лани измасакрирала и запалила човек
-
Судир на два автомобили и камион со приколка на автопатот „Пријателство“, тешко повредено едно лице
-
Инцидент на Скопскиот аеродром: Србин скршил стакло на заштитна врата, полицијата го уапсила
-
Советот за безбедност на ОН денеска ќе расправа за Босна и Херцеговина
-
Вработените во ФЗОM на предупредувачки протест
-
Маж со мачета нападнал луѓе во североисточен Лондон
-
Лекари приватни специјализанти побараа првиот прием на идниот министер за здравство да биде за решавање на нивните барања
-
РСБСП: Внимателно и одговорно возење за време на празниците