Украл куче па бегајќи го удрил сопственикот со возило

Полицијата во Струмица го привела 57-годишниот С.В. од село Дабиле, кој се сомничи дека вчера околу 19 часот одзел куче од 64-годишниот И.М. од село Николиќ, Општина Дојран. При бегството, тој го удрил оштетениот со возилото.

Струмичанецот беше фатен еден час подоцна на „Дојранска крстосница“, каде било пронајдено одземеното куче, кое му било вратено на сопственикот.

Јавниот обвинител од ОЈО Гевгелија е информиран за настанот, а по документирање на случајот, полицијата ќе поднесе пријава против С.В.