Турција планира изградба на мега проект - Канал Истанбул
Турција планира да изгради Канал Истанбул, долг 45 километри, кој ќе го растовари Босфор од бродскиот сообраќај и ќе спречи еколошки инциденти, како што се случуваа во минатото.
Предвидениот канал треба да го олесни бродскиот сообраќај помеѓу Црното и Мраморното Море, особено сообраќајот на танкери низ Босфорот. Каналот ќе биде изграден западно од центарот на градот, на европската страна на покраината Истанбул и треба да го зголеми дневниот капацитет од 160 пловила.
Мурат Курум, министер за животна средина и урбанизација на Турција, рече дека Канал Истанбул е многу важен проект за иднината на земјата, со нејзините крајбрежни структури, марини, пристаништа и логистички центри.
Тој нагласи дека студиите за потенцијалното влијание на проектот врз животната средина се при крај и оти проектот се спроведува со највисоко ниво на еколошка чувствителност.
– Бреговите на Босфор сигурно нема да бидат зафатени од изградбата. Неговиот историски, природен материјал ќе биде сочуван, рече министерот, потенцирајќи ја важноста на проектот и за Турција и за светот.
Ново на Сител
-
Трет ден потрага по Данка, проверка на базните станици и телефоните на родителите
-
Хрватска: Наполитанки Кит Кат повлечени од пазарот
-
Две лица се приведени за убиството на лекарот во Железара
-
Се финализираат коалициите пред почетокот на кампањата за претседател следната недела
-
Во Собранието последна нова седница во овој парламентарен состав
-
Путин: Во Европа го плашат народот дека ќе ги нападнеме, сакаат да им ги земат парите
-
Четворица убиени, петмина избодени во напад во Илиноис
-
Руските сили гранатираа 17 населени места во областа Херсон, две лица загинаа