Труење на ученици во скопско училиште

Неколку ученици од основното училиште „Димо Хаџи Димов“ од скопската населба Влае се пожалиле на болки во стомакот, а некои имале пролив и повраќање.

Три од децата се на болнички третман.

Тие се на возраст од 6,5 до 11 години и се жалеле на силни болки. Медицинските лица се сомневаат на труење со храна или вода. Надлежните институции работат на испитувања и се очекуваат повеќе информации во текот на денот.