Тринаесет угостителски објекти затворени во акција на МВР, УЈП, пазарната и трудовата инспекција
Тринаесет угостителски објекти се затворени во Скопје во синоќешната заедничка акција на Полицијата, Управата за јавни приходи, Државниот пазарен иснпекторат и Инспекторатот за труд.
Како што информира денеска портпаролот на МВР Тони Ангеловски, акцијата е спроведена врз основа на претходно изготвени анализи и оперативни сознанија дека во голем број угостителски објекти не се почитуваат законските проиписи за работното време, точење алкохол на малолетни лица, неиздавање на фискални сметки и слично.
- МВР во соработка со УЈП, Државниот пазарен иснпекторат и Инспекторатот за труд синоќа од 22 до четири часот преземаа мерки и активности за контрола на угостителските објекти по сите основи при што беше извршена контрола во вкупно 24 угостителски објекти на подрачјето на СВР Скопје. Во осум од нив е евидентирано присуство на малолетни лица, а приведени се четири малолентици, двајца за користење наркотични средства, а двјца за утврдување идентитет. Поради утврдени неправилности затоврени се 13 угостителски објекти, а на едукација се повикани пет сопственици на угостителски објекти, рече Ангеловски на денешната прес-конференција.
Тој посочи дека СВР Скопје спровела и зајакната акциска контрола за управување возила под дејство на алкохол. При тоа, како што кажа Ангеловски, алкотестирани се вкупно 272 возачи од кои кај 102 е уттврдено присуство на алкохол над дозволеното. Констатирани се и 49 други прекршоци за што се издадени 12 мандатни и 37 прекршочни платни налози.
Ново на Сител
-
ЦУК: Можно зголемување на водостојот на реките во западниот дел на земјава
-
Шпанското обвинителство бара 4 години и 9 месеци затвор за Карло Анчелоти за финансиска измама
-
Вештачење: Струјата вo модуларната болница ја инсталирале нестручни лица од болницата
-
Вештачење: Струјата во модуларната болница ја инсталирале нестручни лица од болницата
-
Без струја утре дел од Трубарево
-
Службени лица без налог насилно влегле во дом и го нападнале сопственикот пред неговиот син
-
Нови 511 заболени од грип, пад од 39,1 отсто споредено со претходната недела
-
Филипче пред средбата со Мицкоски: Очекувам конструктивен разговор, состанокот нема етничка димензија