Трибина на косовските историчари против балканскиот „мини-Шенген“

Трибината, закажана за во 12 часот, се организира во знак на противење на самитот одржан минатата недела во Тирана, посветен на таканаречениот „мини-Шенген“, односно на иницијативата на премиерите на Северна Македонија и Албанија, Зоран Заев и Еди Рама, и претседателот на Србија Александар Вучиќ за формирање зона на слободен проток на луѓе, стоки и капитал во регионот.

Како што соопшти организаторот, за учество на трибината „јавно се повикани претставници на академиите на науките и на институтите за историја во Приштина, Тирана и Скопје, како и интелектуалци и познавачи на албанско српските односи“.