Трамп за една година го продолжи трговското ембарго кон Куба

Американскиот претседател Доналд Трамп донесе одлука за една година – до 14 септември 2020 година, да го продолжи трговското ембарго против Куба, се наведува во соопштението лиферувано синоќа од прес службата на Белата куќа и цитирано од светските агенции.

Аргументацијата за ваквата одлука е дека продолжувањето на овие рестрикции, наметнати врз Хавана, одговараат на американските национални интереси.

Со истата одлука Трамп ги продолжи и своите надлежности кои му даваат слобода на дејствува со оглед на задржувањето на ембаргото и одобрувањето на одделни договори. Во овој случај претседателот се повикува на закон, што стапил во сила уште во 1917 година. Тој му дозволува ограничување на трговијата со одредени земји што се непријателски настроени кон САД. Во моментов Куба е единствената земја врз која се спроведува овој закон.