Трамп сака ѕидот кон Мексико да биде проѕирен

Американскиот претседател Доналд Трамп изјави дека сака ѕидот на границата со Мексико да биде проѕирен и на него да бидат поставени соларни панели.

Трамп рече дека не се шегува кога говори за соларни панели бидејќи „тоа може да покрие дел од трошоците“, јави Си-Ен-Би-Си. Тој додаде дека мора да се види што се случува од другата страна.

– Ќе ви дадам пример. Колку и да звучи страшно, кога да речеме фрлаат вреќи со дрога преку ѕидот, и ако од другата страна има луѓе, а вие не ги гледате – ви паѓа на глава вреќа од 80 кг и готови сте. Затоа е неопходно да може да се гледа низ ѕидот колку и да звучи чудно. Ние сепак, иамме одлични дизајни, појасни Трамп.