Трамп го честиташе Денот на благодарност и на „радикално левите лудаци“

Новоизбраниот американски претседател Доналд Трамп упати честитка за Денот на благодарност, обраќајќи се и до „радикално левите лудаци“.

„Среќен Ден на благодарност за сите, вклучувајќи ги радикално левите лудаци кои толку напорно работеа да ја уништат нашата земја, но не успеаја, и никогаш нема да успеат, бидејќи нивните идеи и политики се безнадежно лоши,“ напиша Трамп на мрежата Икс, користејќи го својот познат слоган „Да ја направиме Америка повторно голема“ (MAGA).

„Не грижете се, нашата земја наскоро ќе биде почитувана, продуктивна, праведна и силна, а вие ќе бидете горди што сте Американци!“ додаде тој.

Трамп на изборите одржани во почетокот на месецов ја победи демократската потпретседателка Камала Харис. По инаугурацијата на 20 јануари, тој ќе го наследи Џо Бајден во Белата куќа.