Тошковски на увид во градбата на новата Полициска станица во Аеродром
Министерот за внатрешни работи Панче Тошковски, заедно со директорот на Бирото за јавна безбедност Александар Јанев и градоначалникот на Општина Аеродром Дејан Митески, денеска, извршиле увид во градбата на новата Полициска станица од општа надлежност Аеродром, соопштуваат од Министерството за внатрешни работи.
Оттаму посочуваат дека изградбата на станицата е во планираната динамика и граѓаните на Општина Аеродром во планираниот рок ќе добијат нова и модерна полициска станица.
– На предлог на градоначалникот на Општина Аеродром Дејан Митески во Полициската станица да предвидиме простории за управни служби, дадов уверување дека ќе направиме сериозни напори тоа да биде остварено, за граѓаните да не мора да одат во МТВ за некоја од услугите на управните служби, како вадење на лични документи, возачки дозволи и други услуги важни за нив. Зголемувањето на брзината, квалитетот и достапноста на услугите кои ги нудат управните служби е еден од приоритетите на ова раководство на МВР, бидејќи граѓаните секогаш треба навремено и квалитетно да ја добиваат услугата од својата држава која постои за нив, потенцирал Тошковски.
Во соопштението се наведува дека градбата на новата Полициска станица е започната минатата година во јули, со план за завршување за 30 месеци од денот на воведување во работа на економските оператори, изведувач и надзор.
Ново на Сител
-
Невакцинираните деца од Долно Коњаре ќе се повикуваат на вакцинација против морбили
-
Свечено прославен празникот Света Мајка Тереза и 25 години од епископската хиротонија на монсињор Стојанов
-
Повредил дете кое фрлало со камења по неговото куче - Кривична за 67-годишник
-
Гаши на приемот по повод 8 Септември: Сме имале моменти кога сме биле разочарани, но сме создавале можности да продолжиме понатаму
-
Скопје: Таксист нападнал и ограбил татко и ќерка од Турција
-
Пожарот во Мариово не стивнува, нема опасност за верските објекти
-
ЈСП: Неделен возен ред в сабота и понеделник
-
Од полноќ се намалува цената на Еуросупер БС-95