Тони Блер : Британија се уште може да го избегне Брегзит

Поранешниот британски премиер Тони Блер изјави денеска дека Велика Британија се уште може да го избегне Брегзит, а дека домашната јавност има право да го смени мислењето.

Во интервју за една француска радио станица, Блер рекол дека неговата земја се уште не знае што значи Брегзит. Поранешниот лабуристички премиер кој во Британија важи за еврофил,  одбил да ја отфрли идејата за можното  организирање на втор референдум.

Во текот на кампањата за референдумот од 23 јуни, Блер заедно со поранешниот ториевски премиер Џон Мејџор, агитираа за останување на земјата во ЕУ и предупредуваа на заканите од Брегзит.

„Не бев за референдум  и не мислам дека тој беше неопходен, но сега мора да се прифати дека тој се одржа и дека од него постои резултат„- рекол Блер.

Тој сепак, смета дека дебатата околу ова прашање, продолжува, затоа што Британците и не знаат што значи Брегзит.

-Овде (во Британија) се уште не се знае што значи Брегзит за заедничкиот пазар, за автомобилската индустрија, за финансиските компании и за нивната дејност, за банките и за слободното движење на лугето- рекол Блер.

Според него сега останува да се види какви ќе бидат принципите за преговорите околу раздружувањето.

„За актуелниот британски премиер, е важно да се обезбеди единство в Кнзервативната партија, но за сите нас, другите, останува слободата да дебатираме за Брегзит„ рекол во интервјуто за француското радио Тони Блер.