Тимоние - Ѓоргоска-Илиевска: Прикажувањето на „А Фонд“ ќе отвори пат кон нови соработки
Прикажувањето на францускиот филм „А фонд“ или „Семејство без сопирачки“, кој во голем дел се снимаше и на локации во Македонија, почна деновиве во киното Синеплекс во Скопје.
По тој повод, Мими Ѓоргоска-Илиевска, директорка на Агенцијата за филм на Република Македонија, и амбасадорот на Франција, Кристијан Тимоние, во заедничка изјава ја поздравија соработката во снимањето на филмот помеѓу францускиот продуцент „Шик филмс“ (Chick films) и македонскиот продуцент „Мануфактура“.
Исполнувањето на посебните услови што ги бараше францускиот подуцент, како и поволностите што ги нуди Законот за поврат на средства, беа пресудни за француската страна.
Директорката Ѓоргоска-Илиевска и амбасадорот Тимоние истакнаа дека благодарение на оваа значајна соработка во сферата на аудиовизуелната индустрија, францускиот партнер и донесе бенефит на Македонија во висина од 2 милиони евра за филм со вкупен буџет од 12 милиони евра.
Двајцата воедно изразија надеж дека прикажувањето на овој филм ќе придонесе за промоција на Македонија како интересна дестинација за филмски потфати и ќе отвори пат кон нови соработки.
Според амбасадорот Тимоние, филмот „Семејство без сопирачки“ има одличен одек кај француската публика и добро е рангиран на францускиот бокс-офис.
Ново на Сител
-
Брнабиќ: Во следните 48 часа ќе има седница на која Вучевиќ ќе предложи министри за новата влада
-
Две лица се повредени во пожар во фабрика за ракетни погонски системи во близина на Белград
-
Кина испрати воени авиони кон Тајван откако американскиот државен секретар го напушти Пекинг
-
Мотоциклист излетал од патот и удрил во паркирано возило
-
Милановиќ: Хрватска е дното на ЕУ, Бугарија е единствено полоша
-
Судење на Трамп: Издавач на таблоид призна дека ја „закопал“ приказната за аферата со моделот на Плејбој
-
Гир: Првиот круг од изборите мина генерално мирно и демократски
-
Пронајдено е 76-годишното лице во кавадаречко по кое се трагаше од вчера