Македонија
25. October 2021 - 11:53

Тешко повреден пешак на регионалниот пат Куманово-с.Никуштак

На 24.10.2021 во 22.25 часот во СВР Куманово било пријавено дека на регионалниот пат Куманово-с.Никуштак, во с.Отља, општина Липково, патничко моторно возило „фолксваген голф“ со кумановски регистарски ознаки, управувано од А.С.(52) од с.Ропаљце, општина Липково, удрило во пешакот Н.С.(63) од с.Отља. Во несреќата со тешки телесни повреди се здобил пешакот, констатирани во Општата болница во Куманово.

Извршен бил увид на местото на настанот од увидна екипа од СВР Куманово.