Тереза Меј: Кина мора да изврши поголем притисок врз Северна Кореја
Британскиот премиер Тереза Меј изјави во Кјото, на почетокот на својата посета на Јапонија, дека Кина мора да изврши притисок врз Северна Кореја во врска со ракетните проби.
- Кина им клучна улога во целата оваа работа и Пекинг треба да направи се што може, за да се интензивира притисокот, истакна Меј.
Британскиот премиер вети дека Лондон двојно ќе ги зголеми своите напори, заедно со британските меѓународни партнери, за да се изврши уште поголем притисок врз Пјонгјанг, за да престане со оваа своја илегална активност.
Изјавата на Меј доаѓа по вчерашната нова ракетна проба на Северна Кореја, со која за првпат беше лансирана ракета кон Јапонија.
Ракетата ги надлета северните делови на јапонскиот остров Хокаидо, пред да падне во водите на Пацификот.
- Станува збор за исклучителен акт на провокација, изјави Тереза Меј, инсистирајќи дека целата севернокорејска програма за проби на своите оружје е илегална.
Тереза Меј ќе престојува во тридневна посета на Јапонија во текот на која ќе има средби и разговори со својот домакин, премиерот Шинѕо Абе, како и со претставници на јапонскиот бизнис.
Целта на посетата е отворање на разговорите за идните трговски односи меѓу двете земји, посебно по излегувањето на Велика Британија од ЕУ.
Предвидено е во Токио, Меј да се сретне и со јапонскиот император Акихито.
Ново на Сител
-
Јавниот превоз во Скопје утре по неделен возен ред
-
Приведени двајца криумчари, пронајдени мигранти од Кина
-
Приведен грчки државјанин поради давање поткуп
-
Имигрант од Лаос кој се лекува од рак доби џекпот од 1,3 милијарди долари
-
Лејкерси елиминиран од Денвер во првото коло на НБА плејофот
-
Студентите кои протестираа поради војната меѓу Израел и Хамас се судрија со полицијата во Тексас
-
Златен џебен часовник од „Титаник“ продаден за рекордни 1,2 милиони фунти
-
Пронајдено безживотно тело на 26 годишна девојка во куќа во Штип