Светските лидери побараа итна примена на примирјето во Украина
Лидерите на Франција, Германија, Русија и Украина побараа „што е можно побрзо“ да се примени мировниот договор, кој има за цел прекин на судирите во источниот дел на Украина, бидејќи се интензивирале борбите меѓу украинските и проруските сили во тоа подрачје.
Францускиот претседател Франсоа Оланд, германската канцеларка Ангела Меркел, рускиот претседател Владимир Путин и шефот на украинската држава Петро Порошенко синоќа во телефонски разговор „ја изразија својата посветеност во примената на Минскиот договор и одлучноста да направат се што е потребно за да обезбедат тој да биде итно имплементиран“.
Договорот од Минск, кој е потпишан во февруари 2015 година со посредство на француската и германската влада, а во присуство на Путин, предвидува прекин на огнот во источниот дел на Украина, како и други политички, економски и општествени мерки за крај на судирите во тоа подрачје.
Повикот на светските лидери за примена на примирјето е упатен откако во напад на проруските сили загинал еден украински војник, а тројца се повредени.
Порошенко, Меркел, Оланд и Путин, исто така, побараа и итен прекин на непријателството во Украина, почнувајќи од повлекување на оружјето од фронтот, како и на вооружените сили.
Ново на Сител
-
Стара експлозивна направа пронајдена во двор во делчевското село Вирче
-
Баер го победи Аугсбург и ја заврши сезоната во Бундеслигата без пораз
-
Маж од Валандово најден починат дома, ќе се прави обдукција
-
Кривична пријава против градоначалник поради противзаконито располагање со буџетски средства
-
Фоден играч на сезоната во Премиер лигата
-
Убиство и самоубиство во Бјеловар, Хрватска
-
Деветмесечно бебе донесено во неконтактибилна состојба, починало во болница во Охрид
-
ДИК ги соопштува освоените мандати за пратеници во новиот парламентарен состав