Светска банка помага за надминување на последиците од пандемијата
Светска банка денеска го одобри првичниот глобален пакет од 1,9 милијарди американски долари за надминување на кризата предизвикана од пандемија на вирусот што 25 земји низ целиот свет, вклучувајќи ги и оние во Европа и Централна Азија, ќе можат да го примат и користат по итна постапка.
Покрај тоа, како што одлучи Одборот на директори на Светска банка, неколку земји добиваат поддршка од главниот глобален кредитор преку други средства за финансирање, вклучително и предвремено повлекување или реструктуирање на постојни проекти и кредити.
„Земјите ширум Европа и Централна Азија, како и во другите делови на светот, се соочуваат со вонредна здравствена ситуација што има непосредни социјални и економски импликации и каква не е видена во скоро минато“, рече потпретседателот на Светската банка за Европа и Централна Азија, Кирил Милер.
Според Банката, повеќе од десет земји ширум Европа и Централна Азија моментално разговараат за проекти со Светската банка за ублажување и решавање на последиците од пандемијата со Ковид-19.
Ново на Сител
-
Тема на денот со Александар Даштевски, претседател на ДИК
-
БРАКО претстави ново електрично возило за чистење
-
ДИК потврди - Во среда ќе се прегласува на 7 избирачки места
-
ДУИ со предупредувања од Мала Речица
-
Мицотакис со нови закани кон идната Македонска Влада
-
Прва официјална посета на Силјановска Давкова ќе биде во Ватикан и Рим
-
9 месечно бебе донесено во итната помош без знаци на живот
-
Полициска службеничка мамела социјалци за станови