-->
-->
Суперлигашот „Охрид“ ја декласира домашната екипа на РК „Делчево“ во ракометниот Куп
-->
Екипата на суперлигашот „Охрид“ немаше големи проблеми во денешниот натпревар од ракометниот Куп на Македонија против домаќинот РК „Делчево“, кој избраниците на ексрепрезентативецот Раде Стојановиќ го добија со висока разлика и победа од 45:12.
Стојановиќ на своите избраници им се заблагодари за максималното залагање, а на домаќините им посака многу успех во понатамошните натпревари.
– Разликата беше евидентна во квалитетот, ние најсериозно го сфативме натпреварот. На моите играчи честитки за победата, на РК „Делчево“ им посакувам многу успех во првенството, рече Стојановиќ.
За тренерот на РК „Делчево“, Гоце Стоиловски, искуството од овој натпревар е од пресудно значење за екипата на која ова ѝ беше единствен подготвителен натпревар пред плејаут-натпреварите во Првата ракометна лига, кои продолжуваат овој викенд.
– Честитки до противничката екипа, кои заслужено нè победија. Ние продолжуваме во плејаут ова ни беше прва единствена утакмица за подготвки во услови на ковид-пандемија. Со оглед на условите кои ни дозволуваат ние полека се екипираме за почетокот на плејаут, иако денес не бевме комплетни тоа немаше да ја смени кој знае колку сликата на теренот, меѓутоа полека ја собираме екипата за натпревари кои почнуваат во сабота овој викенд, рече Стоиловски.
Со победата на овој натпревар екипата на суперлигашот РК „Охрид“ се пласира во осминафиналето од ракометниот куп на Македонија.
-->
-->
-->
Ново на Сител
-
Левица: Црква изградена во 1874 година настрада од минирањата на „Бехтел и Енка“
-
Потврден 30-дневниот притвор за врховнот судија Георгиев
-
110 пушки од Првата светска војна пронајдени при ископ во Старата касарна во Битола
-
Во Белград ќе продолжи судењето за масовно убиство во Дубона и Мало Орашје
-
Владина делегација оддаде почит пред споменикот на св. Кирил и Методиј во Скопје
-
Четири лица загинаа во пожар во Токио
-
Радев: Желбата на Република Северна Македонија за дијалог е позитивен знак
-
На 28 мај закажана конститутивната седница на Собранието