Судири во Лајпциг, запалени возила, приведени над 200 демонстранти

Паралелно со заострувањето на законодавството за бегалците кои што учествуаат во криминални активности Германија се соочува со протести на крајната десница на кои што се изразува незадоволство по инцидентите во кои настрадаа стотици жени, а неколку биле силувани во неколку германски градови.

За време на вчерашните протести во Лајпциг каде протестираа околу 2.000 приврзаници на Легида (Фракција на ПЕГИДА, Патриотски Европјани за заштита од исламизација на Европа) биле приведени 211 лица кои што се обиделе да предизвикаат насилство во дел од градот каде што локалната власт е во рацете на левичарите.

За време на инцидентите бил запален еден локал во сопственост на Турци. Крајнодесничарските демонстранти скршиле прозорци на десетици продавници, запалиле неколку возила и контејнери и подметнале пожар во една зграда. Во контра-протестите организирани од левичарски организации запален е автобус изнајмен од страна на крајните десничари.