Стопанска комора на Македонија: Со добра комуникација до заштита на здравјето и нормализација на економијата
Стопанската комора на Македонија ја поздравсува најавата од Владата дека од наредната недела ќе започне интензивна комуникација со претставници на стопанските комори при што Министерството за здравство и Комисијата за заразни болести ќе им дадат јасна насока на економските оператори, на компаниите со производствени капацитети, на угостителите итн., за тоа како да го организираат работниот процес, со цел тој постепено да се врати во нормала откако ќе се донесат одлуки за олабавување на ригорозните рестриктивни мерки.
– Стопанската комора на Македонија ја поздравува ваквата иницијатива. Сметаме дека тоа е вистинскиот приод кон работите. Тоа ќе биде процес во кој сите вклучени луѓе одлично си ја знаат својата работа, од една страна докторите преку Министерството за здравство и Комисијата за заразни болести, а од друга страна искусни бизнисмени од страна на бизнис секторот. Со добра взаемна комуникација ќе можат да се оптимизираат ефектите за посакуваниот краен резултат – постепено враќање на економијата во нормала, а истовремено да се антиципираат и соодветно да се уредат и оперативните аспекти од ваквиот процес. Ова е важно затоа што и самите сектори во економијата имаат свои специфичности. И, што е најважно, сето ова да биде со максимална заштита на здравјето на граѓаните во текот на целиот процес на нормализација на економијата, се вели во соопштението од Стопанската комора на Македонија.
Ваквиот начин на комуникација, кога властите и бизнис заедницата, интензивно и квалитетно комуницираат уште во подготвителната фаза, пред да бидат донесени одлуки, сметаат од комората, е многу важен и корисен за да се постигнат посакуваните ефекти. Ова треба да се воспостави како урнек за во иднина за тоа како треба да се постапува пред носење важни одлуки што ја засегаат економијата и тоа да стане вообичаена пракса.
Ново на Сител
-
Fast Food 7 - принцип за постојан квалитет | Билјана З. Попова | Бизнис приказни | Sitel Podcast 030
-
Пронајдена неексплодирана експлозивна направа во Битола
-
Разбојникот кој ограби казино со автоматско пушка е полицаец
-
Демири: Ако Клиниката за токсикологија не била осигурена, менаџментот треба да преземе одговорност
-
До 30 април на полноќ пријавување на болните и изнемоштените за гласање на изборите на 8 мај
-
Гевгеличанка лажела дека е царински застапник и измамила Грк за 2.000 евра
-
Тошковски: Поддршка до специјалните единици бидејќи тие се првиот столб на заштитата на безбедноста и суверенитетот на државата
-
Пет клучни донатори вложија повеќе од 50 милиони долари во претседателската кампања на Трамп