Средбата неуспешна: Средношколците од утре ќе ја бојкотираат наставата
Неуспешно заврши состанокот меѓу министерката за образование и наука, Мила Царовска и Сојузот на средношколци. Матурантите од утре започнуваат бојкот на наставата и нема да се вклучат на часовите сѐ додека не се прифати нивното барање за кратење на предметите за полагање
- Имаме многу разлики во нашите ставови. Министерката Царовска рече дека не може да се промени концептот за полагање на државна матура оваа година. Ние сметаме дека треба да се промени начинот на полагањето за оваа генерација поради пандемијата и начинот на одржување на часовите, вели претседателот на Сојузот на средношколци, Бленди Ходаи во писмена изјава за Сител.
Средношколците бараат наместо четири, да полагаат два предмети за државната матура. Едниот да биде мајчин јазик, а другиот по избор на ученикот согласно неговите планови за понатамошното образование.
Претходно денеска, министерката Царовска одговарајќи на новинарско прашање рече дека матурантите од оваа година ќе полагаат четири предмети. За в година предвидена е промена на моделот на државната матура и веројатно ќе се полагаат по два предмети, како што сега бараат средношколците.
Даниел Василев
Ново на Сител
-
ДИК: Oбработени 96,37% од гласовите, Силјановска Давковa 351.826 - Пендаровски 174.658
-
ДИК: Oд обработени 90,18% oд гласовите Силјановска Давкова 325.150, Пендаровски 162.062
-
Ковачевски: Знам дека многу наши поддржувачи се разочарани, но сега не е време за откажување
-
ДИК: Oд обработени 87,17% oд гласовите Силјановска Давкова 315.638, Пендаровски 156.406
-
Мицкоски: Победуваме со над 170.000 гласа разлика
-
Пендаровски: Резултатите не се такви какви што ги очекувавме
-
Пендаровски: Резултатите не се такви какви што ги очекувавме
-
Димитриевски: Испишуваме историја, се роди 3-тата политичка сила во македонскиот политички блок