Средба Спасовски-Селмани за нерешаните случаи на насилство врз новинари
Интензивирани се оперативните истражни дејствија во Министерството за внатрешни работи за 53 нерешени случаи на насилство врз новинарите и во наредниот период ќе бидат презентирани конкретните резултати, рекол министерот за внатрешни работи на денешната средба со претседателот на Здружението на новинари на Македонија Насер Селмани, соопшти МВР.
На средбата било истакнато дека медиумите се меѓу најважните столбови на едно демократско општество и затоа мора да се преземат мерки за зголемување на безбедноста на медиумските работници.
Спасовски го информирал Селмани дека Министерството за внатрешни работи, изработило анализа со цел прецизно да се утврди на кое ниво се истрагите за случаите со насилство врз новинари. Особено, стои во соопштението, заради фактот што во зависност од лицето кое било нападнато, има очигледна разлика во обемот на оперативните истражни дејствија од страна на службите во Министерството. Најголем проблем претставува тоа што во одредени предмети се пропуштени дејствија и постапки кои требало да бидат преземени во кратки временски интервали за да се добијат валидни резултати. Но, како што објаснил министерот Спасовски, сега оперативните истражни дејствија во МВР се интензивирани и во наредниот период ќе бидат презентирани конкретните резултати.
Селмани, пак, истакнал дека медиумските претставници во неколку случаи имале проблеми и со полициските службеници и со цел да се избегнат вакви проблеми во иднина ќе бидат преземени соодветни активности. Договорено е и да се воспостави поинтензивна комуникација меѓу МВР и ЗНМ, за да може полесно да се решаваат евентуалните проблеми во иднина.
Ново на Сител
-
Брнабиќ: Во следните 48 часа ќе има седница на која Вучевиќ ќе предложи министри за новата влада
-
Две лица се повредени во пожар во фабрика за ракетни погонски системи во близина на Белград
-
Кина испрати воени авиони кон Тајван откако американскиот државен секретар го напушти Пекинг
-
Мотоциклист излетал од патот и удрил во паркирано возило
-
Милановиќ: Хрватска е дното на ЕУ, Бугарија е единствено полоша
-
Судење на Трамп: Издавач на таблоид призна дека ја „закопал“ приказната за аферата со моделот на Плејбој
-
Гир: Првиот круг од изборите мина генерално мирно и демократски
-
Пронајдено е 76-годишното лице во кавадаречко по кое се трагаше од вчера