Средба на Путин и Ердоган во Санкт Петербург
Во рускиот град Санкт Петербург денеска ќе се сретнат претседателите на Русија и Турција, Владимир Путин и Реџеп Тајип Ердоган, што треба да претставува нов чекор кон затоплување на односите меѓу двете земји, по нивното драстично влошување лани во ноември, кога турските сили урнаа руски воен авион над границата со Сирија.
Како што оценуваат западните медиуми, оваа прва посета на Ердоган на една странска земја по обидот за воен удар на 15 јули, доаѓа во време кога Ердоган во неколку наврати изрази незадоволство од „недостигот на подршка од страна на неговите пријатели од Западот“ по спречениот пуч.
За разлика од критиките кон Западот, Ердоган изрази задоволство од реакцијата на Русија по обидот за преврат, нагласувајќи дека Путин бил меѓу првите странски лидери кој му се јави по телефон ноќта по спречениот воен удар, како и дека не ги следел постапките на западните лидери кои ја критикуваат Анкара поради ригорозните мерки што ги презеде по пучот.
Според најавите од Москва, на средбата Путин-Ердоган ќе стане збор за укинување на руското ембарго за увоз на турски стоки и на чартер летови, за возобновување на проектот „Турски поток“, за кризата во Сирија, за борбата против тероризмот, како и за „други регионални и меѓународни теми“.
Советникот на Путин за надворешна политика, Јуриј Ушаков минатата недела најави дека на средбата во Санкт Петербург нема да биде потпишан никкаов договор, но самиот чин што Ердоган реши првата земја што ќе ја посети по обидот за преврат да биде токму Русија, говори за значењето што Анкара им го придава на односите со Москва.
Во пресрет на заминувањето за Русија, Ердоган во интревју за ТАСС оцени дека тоа претставува „истрориска посета“ и „нов почеток“ во односите меѓу двете земји. - Верувам дека во разговорите со мојот пријател Владимир ќе отвориме нова страница во нашите односи, додаде Ердоган.
Ново на Сител
-
Хорор во Белград: Го извадил черепот на татко си од гробница и го чувал во плакарот
-
Кремљ: НАТО ја провоцира Украина да го продолжи конфликтот
-
Спречен шверц на поголема количина производи за широка потрошувачка од Косово кон Македонија
-
ДУИ: Волјата на албанскиот народ не е играчка што припаѓа на ВМРО-ДПМНЕ
-
Груевски: Откако СДСМ ги загуби изборите монструмот Добрила Кацарска во обид да се прикаже како жртва
-
Во сабота почнува полагањето на државната матура со тестот од првиот екстерен испит
-
Општина Аеродром: ДУП-от за Лисиче предвидува само една зграда, два парка и решава важни комунални прашања
-
Приведени крадци, одземеното возило вратено на сопственикот