Средба на министрите од ЕУ посветена на бегалската криза

Министрите за правда и внатрешни работи од земјите-членки на Европската унија ќе се сретнат денеска во Брисел на вонреден состанок, посветен на решавањето на бегалската криза.

Министрите ќе разговараат за планот за солидарно прифаќање на околу 160.000 бегалци од земјите зафатени од војна од Блискиот исток и Африка, кој минатата недела го претстави претседателот на Европската комисија Жан-Клод Јункер.

Неколку централно-европски и источни членки на ЕУ веќе изразија остро противење на планот, кој подразбира задолжителни квоти за сите држави од ЕУ, во зависност од нивниот капацитет за прием на бегалци.

Истовремено, со министрите за внатрешни работи и правда, во Брисел денеска ќе заседаваат и шефовите на дипломатии од ЕУ, во рамки на редовниот состанок на Советот за општи работи.