Тиквеш ја запре победничката серија на Шкупи, Гостивар подобар од Брера Струмица

Два убави голови беа постигнати во Кавадарци каде Тиквеш и Шкупи одиграа нерешено 1-1, Брера и шести меч по ред не успеа да дојде до триумф, струмичкиот тим на свој терен загуби од Гостивар со 1-0.

Шкупи во Кавадарци отпатува со серија од три победи, но таму одигра само реми, а малку фалеше Тиквеш да ги освои трите бода од овој дуел.

Тиквеш поведе во 24. минута со гол на Спахиу, 14 минути подоцна Воша со прекрасен гол изедначи на 1-1.

Кавадаречкиот тим беше блиску до победа, домаќините напаѓаа силно кон голот на Шкупи, имаа неколку извонредни шанси, но не успеаа да дојдат и до триумф над фаворитот.

По одличниот старт на сезоната, Брера Струмица почна да тоне. Денеска загубија од Гостивар со 1-0. За неа тоа беше шести меч по ред без да се израдува на победа.

Единствениот гол на натпреварот го постигна Кехинде, уште во 15. минута од натпреварот.