Сопственикот на рудникот во Кина изврши самоубиство по несреќата

Сопственикот на кинескиот рудник за гипс изврши самоубиство скокајќи во бунар, два дена откако во рудникот дојде до несреќа и смрт на еден рудар, а напорите за спасување на преостанатите 17 се се уште во тек.

Сопственикот на компанијата „Јуронг комерс енд трејд“ Ма Конгбо утрово помагал во акцијата за спасување на рударите, кога ненадејно скокнал во блискиот бунар и се удавил.

Во рударската несреќа што се случи во петокот, спасувачите на површина извлекле 11 преживеани, како и еден починат рудар. Се уште се трага по 17 рудари.