Сончево со умерена облачност, попладне локална појава на пороен дожд со грмежи

 – Времето денеска ќе биде сончево со мала до умерена облачност и релативно топло. Во попладневните часови ќе има локална појава на пороен дожд со грмежи.

Максималната температура ќе биде во интервал од 18 до 24 степени.

Во Скопје сончево со мала до умерена облачност. Попладне во делови од котлината ќе има услови за слаб краткотраен дожд и појава на ретки грмежи. Максималната температура ќе достигне до 22 степена.

Според прогнозата на УХМР, во наредните денови во попладневните часови на места ќе има повремени врнежи од дожд.